هذه القصيدة مرثية من الشاعر ثواب بن عبدالله بن وندان السبيعي في ابن عمه المغفور له بإذن الله محمد بن ظافر بن وندان السبيعي الذي توفي إثر حادث مروري. |
الحمد لك يا الله يا مدبر الكون
|
يا عالم ما استحوذته السريره
|
امرك ما بين الكاف يارب والنون
|
الكون في حكمتك وانته دبيره
|
نطلبك يا من له عباده يصلون
|
يا ربنا اللي ما سجدنا لغيره
|
ترحم فقيدٍ فيه جونا يعزون
|
عبادك اللي يطلبونك تجيره
|
يكثر والله من على اخوي يبكون
|
عضيدي اللي فارقٍ في مسيره
|
ما هو من اللي في قفا الناس يحكون
|
لا هو من اللي عاقدٍ في نظيره
|
من يوم قاموا له اخوانه يهدون
|
حتى رحل ماجا منه يوم غيره
|
طيب مسيره حسن الأخلاق مامون
|
موته على اللي يعرفونه كسيره
|
جعله من اللي من جهنم ينجون
|
في جنة الخلد ونبيه قصيره
|
ما به مخاليق على الكون يبقون
|
كلن على درب الفنا ذا مصيره
|
ما باقي إلا اللي له الخلق يدعون
|
هو الإله مجير من يستجيره
|
وعداد ما حجو لمكه يلبون
|
صلوا على الهادي نبيه نذيره
|
|
