|
ما عاد يعني لي الوفا والجفا شي
|
|
ناديت ما سمع المقفين صوتي
|
|
من لا ضحك لي واحتفا بي وأنا حي
|
|
ماني بحاجة دمعته عند موتي
|
|
هربت إلى شمس الظهيرة من الفي!!
|
|
أموت جايع ما اصبح الذل قوتي
|
|
واخترت ديجور الليالي عن الضي
|
|
ستر ابتهالاتي... ولذة قنوتي
|
|
وعالجت بعض جروح الاحساس بالكي
|
|
لعل تبرا قبل عمري يفوتي
|
|
عزّاه يا نفس الغرابيل والغي
|
|
هذي مقاديري وهذي بخوتي
|
|
والله لولا الشعر ما كان لي خي
|
|
ما يحتمل نزواتي إلا بيوتي
|
|
ليت المشاعر والاحاسيس بيدي
|
|
ويا ليت يكفي عن كلامي سكوتي
|
|
عايض بن مساعد (مداعب الحروف)
|
|
|
