هذه المرثية للمغفور له بإذن الله تعالى الشيخ عبدالله بن سليمان العضيب -رحمه الله رحمة واسعة- وذلك في يوم الاثنين الموافق 11-3-1430هـ.
|
عسى نفس خالي بأمر الإله مرضيّه |
لعله عقب ما راح ماواه للجنّه |
تضايقت حيثه راح روحه بلا جيّه |
سهوم المنايا ليت راحن ولا جنّه |
ريف النشاما كان مروه طرقيه |
يعيد الى من المواتر تنصنه |
إلى جو بنصف الليل جوعا ونسريه |
يزيد الحطب ويكثر الهيل في بنه |
وإلى من تقهوو جاب حايل ونجديه |
بوسط الموكّر يوم الاعضا يشيلنه |
زمان مضى ما فيه من ياجد الميه |
كريم جواد وهرجتي ما بها لنّه |
لا وخالي اللي لو رثيناه مرثيه |
تشيب الطروق اللي من الراس موفنه |
فلا شك ابطلب محيي القشع بالميه |
عليم بما سود الليالي يخفنه |
عسى الله يونس وحشته رازق الحيّه |
بجاه الذي عطيته ما بها منه |
توفى وعقب له رجال شقرديه |
عياله مربيهم ولا خيبو ظنه |
كرام السبال ونارهم دايم حيّه |
ملاذ الضعيف اللي همومه توطنه |
وختام الكلام عداد ما هل وسميّه |
على المصطفى اللي حدد الفرض والسنّة |
عبدالله بن محمد بن حمود النافع - الزلفي |
|
