قابلتهم صدفة على غير ميعادْ

الله يبلاهم مثل ما بلوني

لا والله إلا رحتْ من غير معوادْ

من يوم في سجن الغرام سجنوني

سجن بليّا شبك وقياد وصفادْ

لا شك في قيد الهوا قيدوني

لو إنها غاراتْ بسيوف وجيادْ

ما كنت من تحت الرماح مغبوني

لكن رمح عيون غضات الأنهادْ

أشد من ضرب القنا في عيوني

لو قلت ابسلا واقفل الباب ما فادْ

ياهل الهوى بالله لا تنشدوني

ومنهو نشدني قلت طيب يا نشّادْ

ولو عادها مرة اتجاوب إعيوني

اهلْ دمعٍ داخلْ الموق ينقادْ

وأبكي على اللي بالهوى ولعوني

أنا عطيب القلب وجروحي اجدادْ

كلّه سبايب ضامراتْ البطوني

اللي هواهنْ يملك شيوخ وأسيادْ

وأنا مثل غيري وساعنْ طعوني

دخلتْ في دوامةِ العشق لا عادْ

وعشقت لو العشق منه نصحوني

وحبيت يوم الحب سلم للأجوادْ

وحبيت لي بنت هواها جنوني

اللي غلاها دق في قلبي أوتادْ

وسهم الغلا في القلب زلزل ركوني

أشد من قصف الخواجه لبغداد

يوم القنابل مثل وبل المزوني

شعر - محمد حسن الحماص

صفحة الجزيرة الرئيسية

الصفحة الرئيسية

رأي الجزيرة