جيت أدور لقلب تاركه في يديك
|
يوم جيتك موادع والمدامع تسيل
|
خابره يوم تقفي بالخطى مقتفيك
|
يوم عجزت عضامي بالمتابع تشيل
|
رد قلبٍ خذيته خابره يرتجيك
|
يرتجي منك وصله ما رضى لك بديل
|
وان تركته فقلي خايف ما يجيك
|
وضم جسم بدونه خاضع لك ذليل
|
واعرف إنه بدرب قابلك يحتريك
|
وان تباطأ مجيك ما لدربك دليل
|
عاسره درب وصلك يوم هو مهتويك
|
بين نجم المجره غادي له سهيل
|
دوك قلبٍ ذبحته بالهوى مصطفيك
|
من سهام برمش فوق خدك ظليل
|
وإن تركته قتيلك بالقضاء مرتضيك
|
حظه اللي عثر به وأنت سيفك صقيل
|
بد كل الخلايق ذنبه انه يبيك
|
وذنبك انك تركته تايه لك بليل
|
إبراهيم الصيخان – الرس |
|
