رثاء بالمغفور لها بإذن الله الشيخة حصة بنت ماجد الذويبي
|
همومٍ تحاشد وسط صدري لها جوح |
لو وجهت يم الفضا ما عتمدها |
عذر الفضاء لو هو تعذر ومسموح |
يضيق وسعه ما تحمل جهدها |
يشيلها صدرٍ تعذب من الفوح |
يقو صدري لو تقوا جلدها |
تعطي المدد لعين وتهل مسفوح |
على طرف خدي تزايد عددها |
لاولاي مؤمن بالمقدر وبالوح |
وان كل نفسٍ مقتفيها وعدها |
لصيح صيحة محرق الوجد وبوح |
وقايدي كل العزا ما ختمدها |
بسباب موت اللي سكن بوسط الروح |
هي عمتي وأنا اعتباري ولدها |
طهر الجسد بالقبر لو كان مطروح |
مكانها حدر الضلوع وبلدها |
يام اليتيم اللي من الوقت مجروح |
يمناً تضمد للجروح بمددها |
ويام الضعيف اللي من الفقر مسدوح |
ما حاشته تعطيه للي قصدها |
بنت الشيوخ اللي لهم مجد وصروح |
يا من بهم قومٍ تزايد لهدها |
جدي أبوها يوم للفعل ممدوح |
خذ الكلام وشاهده مع سندها |
اللي شهد له بالفعل شرح ووضوح |
صقر الجزيرة قالها واعتمدها |
فعل تفاخر به سوالم ومسروح |
حقيقةٍ كل العرب ما جحدها |
لكن عسى الغفران والذنب مسموح |
ويكتبلها زود النعيم ورغدها |
وختامها ذكراً مع الوقت ما تروح |
روحك معي لو الجسد في لحدها |
خالد بن محمد بن ماجد الذويبي |
|
