يا صاحبي مليت من عقب فرقاك |
حملت نفسي شي ما تستطيعه |
أغيب مع ذكراك واحضر بطرياك |
والعين سر القلب مني تذيعه |
جاوب صدى صوتٍ من البعد ناداك |
يبو العيون الناعسات الوسيعه |
لا تبتعد عني وتقفي بدنياك |
الوصل يحيى والقطيعة قطيعة |
لولاك يا سيد الغنادير لولاك |
ما خذت لفات الخطوط السريعة |
تمرني مع غفلة الناس روياك |
ويضيق في صدري مدار الطبيعة |
أذكر مواقيفك بهذا وهذاك |
واجي المكان اللي جمعنا جميعه |
واقفيت من عنده وقلبي تقفاك |
ويبست معاليقه وقفا ربيعه |
عذلت قلبي عن طريقك ومنحاك |
واخلا عروشه واخلفته الفجيعه |
صرت استعيد أيام وصلك وذكراك |
يا شيخة الزينات سنه وشيعه |
اجاوب الورقا على لين الراك |
بالحان شوق شارفت عقب ليعه |
أخفيت ما بيه وما جاب يخفاك |
وجه الزمان اللي يشيب رضيعه |
ضيف الله جزاء الحربي |
|
