|
نظرت الموت في محجر عيونه |
غزالٍ بالدّلع زادت فنونه |
نظرته واشتعل قلبي سعاير |
وفاج القلب في دامي طعونه |
لمحني هايمٍ شفقٍ مولّع |
وراع الحب ما تخفى شجونه |
طلبته يلطف بحالي وياوي |
وقلبي جاهلٍ غاية ظنونه |
ترجيته على سلوم المحبه |
يداوي خافقٍ زادت شطونه |
ترجيته وأنا رواحي عليله |
ودنيا الحب موحشةٍ بدونه |
ولكن ما ظفر حظّي بلاما |
غريرٍ يورد العاشق منونه |
شكيت ولا يفيد اليوم مشكى |
على من شفت موتي في عيونه |
مفلح محمد الوهبي |
بريدة |
|
|
|
|
|
