يالله يالمعبود يا عالي الشان |
يا واحدٍ كل المخاليق ترجيه |
انك تشافي وافي الباع سلطان |
وترده لشعبٍ يحبه ويغليه |
والدار تزها بالفرح عقب الاحزان |
والشعب يفرح ويتبادل تهانيه |
وتسعد برجعة سيدي كل الأوطان |
من الخليج لبحر جده تحييه |
ومن حقل لين اقصى شروره ونجران |
على رجوعه بالسلامه تهنيه |
ولي عهد المملكة طير حوران |
هذاك أبوخالد عسى الله يعافيه |
اسمه على صفحات الأمجاد عنوان |
اسم صفات الطيب تحمل معانيه |
فيه السياسة والتواضع والإحسان |
وكل الخصال النادرة تجتمع فيه |
يحفظ حقوق الدين وحقوق الإنسان |
وعزٍ لمن هو جاير الوقت حاديه |
كم عاش في ظله أرامل ويتمان |
وكم من مريضٍ بعد ربي يشافيه |
شيخٍ تقدوا فيه ذريبين الايمان |
ولا فيه أحد مثله ولا أحدٍ يجاريه |
الطيب واحد لكن الفرق شتان |
بينه وبين الغير ما فيه تشبيه |
يرجح بميزانه على كل ميزان |
جزلٍ بمداته بعادٍ هقاويه |
نفحات جوده مثل همال الأمزان |
يا قوم يا هداج تيماء وطاريه |
تنفق يمينه بالعطاء دون حسبان |
كن الكرم قمة هرم ومتعليه |
غيثٍ تباشر به قبايل وعربان |
برقه يلوح وينحدر سيل واديه |
ابن الملوك اللي لهم عبر الازمان |
تاريخ مجدٍ ماضي الوقت يرويه |
وختامها يالله يا عالي الشان |
أنك ترد النا أبوخالد وتشفيه |
نواف حبلوص بن عميرة |
|
|
