تاج الدفاع معرب الخال والجد

جود له الساسين أبوه وخواله

حر نداوي يعرب الجول لا هد

ون حل باطرافه تزايد جفاله

النادر اللي سمعته فاقت الحد

ريف الضعيف اللي لجا واشتكى له

زيزوم قوم لا دنت ساعة الجد

ما يشتكي ضيم الدهر من عناله

بحر المكارم منبع الجود لا مد

تجهله يمينه ما تمده شماله

سلطان ياللي مثل ابن طي واجود

يفرح بك اللي ضايق الهم باله

حاولت اطور منهج الفكر تطوير

يوم انكشف مرماه وانفج بابه

وابلور افكاري على كل تفسير

وابعد عن الروتين ساس الرتابة

بيت الشعر يحتاج حبكه وتفكير

حتى يجي مثل المثل ينحكابه

وعن تقلب الزمان وعدم الاغترار به يقول:

هذا زمان لو صافا يوم لابد

عقب الصفا يفطر على من صفا له

ما يدري المخلوق وش يحمل الغد

يطرد نصيبه الين يدني زواله

والوجه كنه نور بدر توهج

لاشع نوره في دجى الليل فضاح

لونه مثل لون القمر ما تمكيج

وجه تفاصيله تبي شرح وايضاح

عليه خشم كامل الوصف ما شج

ما جملوا في منظره عند جراح

واليا تبسم حطم الياس وافرج

عن بعض مضمون السعاده والافراح

في مبسمه براق وسم يلعج

بين الثمان اللي كما الدر وضاح

والعنق طربوش مداره مسفنج

لفه عن اسباب الصواديف بوشاح

وان جيت اوصف لبة الصدر الأبلج

صاهد نفود هش بالنبت شحاح

دمث ظهر في مرتعه طلع احدج

غرس من الله واثمر الغرس تفاح

راعي جديل من وراه يتموج

ليل تغشى واعتلى نور مصباح

له مشهد لاقِض من فوق وادلج

يلحي قلوب اهل الهوى لين تلاح

عليه قلبي هزه الشوق واخلج

مغير اجاوب ساجع الورق لا ناح

يافج قلبي من هوى صاحبي فج

فجت شنق باب ولج فيه مفتاح

ومن قصيدة ثانية اختار لكم منها:

عزاه يا قلب معاليقه صخاف

يبست عروقه من كثر ما يصالي

لا حسه الهاجوس يرجف وينلاف

لوف الهوى لغصون سدر مدالي

يقرع كما طبل على مشية الزاف

بيدين خبل جر صوته يلالي

تقول ينتابه من الحب خفخاف

عقب الفراق اللي برا عود حالي

يجوظ لا منه ذكر حسن الاوصاف

صابه من الفرقا بوادر جفالي

فرقا من افراقه قسم قلبي انصاف

نصف معه والنصف الآخر بقالي

أمضيت في حبه عمر كله اكلاف

حسب سنين البعد عن شف بالي

صفحة الجزيرة الرئيسية

الصفحة الرئيسية

رأي الجزيرة