بديت بسم الله سلام وتحيه |
واخترت مبدأ للقصيده وعنوان |
وندبت جزلان البيوت النقيه |
تنساق بالمعنى ثقيلات الأوزان |
ودونت مضمون القصيده هديه |
تهدى لعبدالله وتهدى لسلطان |
من فيض فكري والمشاعر زكيه |
نفحات فكري من صدى قلب ولسان |
يا الله يا معبود رب البريه |
يا فارج ليوب من سو الاحزان |
أفرج لسلطان الوفا والحميه |
عضيد عبدالله ونايف وسلمان |
عسى نشوفه والعوافي جليه |
ويرد لأرض المملكة تاج الاحسان |
يمناه في فعل المكارم وفيه |
راع الوفا والطيب في كل ميدان |
سلطان وبل المزنه العقربيه |
غيث الفقارى والأرامل ويتمان |
عز الصديق وللعداء سم حيه |
ملاذ من حده زمانه وبلشان |
ابن الزعيم اللي عزومه قويه |
عبدالعزيز اللي بنا ساس وأركان |
على ظهور الجيش قاد السريه |
بالرمح والشلفا مع السيف شامان |
نادى المنادي فالرياض ضحويه |
الحكم لله ثم لإمام الاخوان |
عبدالعزيز اللي يسمى سميه |
اللي عن المصمك قلع راس عجلان |
وحد كيان المملكه بالسويه |
الشرع دستوره وللعدل ميزان |
عساه في دار الجنان الضفيه |
في منزل الأبرار نهر وبستان |
خلف املوكٍ حافظين الرعيه |
عبدالله العاهل وللعهد سلطان |
الأمن سايد والبلاد محميه |
في ظل حكام على الحق عوان |
سلة أهل العوجا مقام وسجيه |
آل سعود وشجرة العز برهان |
والشعب وافي والقيادة وفيه |
من عهد أبوتركي ليا اليوم خلان |
وصلوا على محمد رسوله نبيه |
اعداد وبل الغيث من غر الأمزان |
الشاعر/ غالي عبيد الله العضيله المطيري |
|
