أبْشر العارض ومكه بسلطان
|
وكل الوطن مستبشر بالرياحين
|
مستبشرْ الشعب السعودي وفرحان
|
من يوم بشر في حبيب المحبين
|
الحمد لله عد ما هل هتّان
|
واعداد ما لبو فجوج المصلين
|
حمدٍ كبيرٍ والوفا فيه عنوان
|
للي مع اخوانه رفع راية الدين
|
حمدٍ كبيرٍ يوم شافيت الإنسان
|
اللي غيابه مثر فالملايين
|
يا سيدي شعبك صويب وزعلان
|
مدو كفوف الوجد لله داعين
|
جمعتهم في غيبتك دم ولسان
|
ووحدتهم وحدة حرار الميادين
|
خيال غيثٍ في سما العز وامزان
|
وشعشاع مخضارٍ عنو له محيلين
|
كفٍ تغيث بدون حسبه وحسبان
|
ومدٍ يفوق الليل تمد الملايين
|
عزٍ على الدولة ودرعٍ للأوطان
|
وبحرٍ مصبه في حلوق المساكين
|
لك في قلوب الشعب مسكن وبرهان
|
يومن حب أهل السخا له براهين
|
ميّل غلاك بكفته كل ميزان
|
يومن كفك راجحٍ فالموازين
|
تبقى فخرنا عزنا يا كحيلان
|
ويا سيدي تبقى على الراس والعين
|
النجلاء |
|
