الحمد لله عد وبل الغمامه |
وعد النجوم وعد خلقه من الناس |
على سلامة راعي الابتسامه |
محمد ولد نايف ويخسون الانجاس |
سالم وطيب يا وريث الشهامه |
لا باس يا رجل المهمات لا باس |
واللي نواك بسو تصلى عظامه |
بإذن الولي نار لها إبليس مقباس |
ياعل فالك يالأمير السلامه |
وتبقى لنا في قمة العز نبراس |
يامن على الإرهاب جرد حسامه |
رغم المصاعب ما دخل قلبه الياس |
بسط الأمن بالمملكه هو مرامه |
وربح وعدوانه لهم درب الافلاس |
محمد ولد نايف رفيع مقامه |
سليل مجد وجود راس ولد راس |
يقول ويفعل ما يبهرج كلامه |
خلا عدوه يضرب اخماس باسداس |
عنده على كشف الخلايا فهامه |
وفكره على حل المعضلات حساس |
باربع صفات دوم يكرب حزامه |
الراي والحكمه مع السيف والباس |
ولا جا الضعيف يبادره باهتمامه |
لجل ان به نخوه وبه طيب واحساس |
يمشي على منهج أبوه وعمامه |
اللي على هامات الأمجاد جلاس |
أهل الوفا والجود واهل الزعامه |
أشبال من أسس وجود لنا الساس |
نحب آل سعود أهل الكرامه |
حب عظيم وحبنا ما له قياس |
نحبهم والله ليوم القيامه |
حيث إنهم للدين والدار حراس |
عطا الله بن سليمان العطا الله - الزلفي |
|
