يا محمد يا بن نايف وإنت نايف |
كيف موتك وسط بيتك تستضيفه |
والله إن الامر حير كل شايف |
الجسد ملغوم وهدومه نظيفه |
من هو الدكتور زراع النكايف |
هم عطوه المال وإلا هو حليفه |
نحمد الله يومها جت بك طفايف |
وجت بمن حولك شظاياها طفيفه |
انعثر دونك وهو مربوك خايف |
بامر ربي وانفجر سبعين جيفه |
زمرة لابليس واعوانه ولا يف |
تنشر الافكار بالاسرار خيفه |
دون دولتنا هقاويهم خفايف |
والعيون المبصرة فيهم كفيفه |
واحكم حكام من عهد الرهايف |
لين صارت في عهد ضرب القذيفة |
دونها ناقف ولو تحت القذايف |
دامكم حكام والوقفه شريفه |
يا محمد يا بن نايف وانت نايف |
والله إن الموت دونك نستضيفه |
محمد الحويان الشراري |
|
