يا جند عبدالله ويا جند سلطان |
ويا جند نايف قايد الداخليه |
لا تأمنون اليوم يا جندنا إنسان |
خص العميل اللي تغير نويه |
اللي يخون الدار في شهر الإحسان |
المجرم اللي راح في غيّ غيّه |
الله جعل كيده بنحره وخسران |
خاب وخسر من خان رب البريه |
الخاين الغدار لو اختفى بان |
وباكر يبين اللي علومه رديه |
الحيه الرقطا لها أنياب ولسان |
وان دق راس الداب ماتت خليه |
يا خادم البيتين حان الوفاء حان |
يحفظك رب البيت من كل سيئه |
ويحفظ لنا سلطان وأخوه سلمان |
ويحفظ لنا نايف زبون الونيه |
ونقول لمحمد سلامات لا هان |
يا أميرنا يا اللي عزومه قويه |
الحمد للي سلمك يا بليهان |
وخلى عدو الدين هو الضحيه |
الشعب كله صبح اليوم زعلان |
باللي حصل قبل أمس عقب عشويه |
حنا لكم في كل موقف وميدان |
بالسيف والصاروخ والبندقيه |
رهن الإشاره كان وقت اللقاء حان |
مع زمرة الشيطان والنار حيه |
جميل بن محمد العنزي |
|
