يا سابقي ما كان مثلك تريحين
|
مرباك بين مطير واولاد وايل
|
يا سابقي مصصتك الفلو عشرين
|
لين انشخلتي مثل ظبي المسايل
|
وشاروا عليّ بشباك قلنا معيين
|
وعقب اللقاح العام نبغيك حايل
|
وليا نعشت الراس بالحبل تعطين
|
راسك ولا نعتاض فيك البدايل
|
ابي ليا ما ارخيت انا الحبل تهوين
|
اهواي شيهان ربيب الخمايل
|
على الحذايا والمسامير تاطين
|
واللاش ما هو عن جواده بسايل
|
اعطيك من البيت النقي ما تشهين
|
ومرهي عليك الشرب ويا العدايل
|
الله يجيرك من عيون الشياطين
|
وارجي من المولى عليك المهايل
|
ويحلب لك اللي درها فيه تشفين
|
عثوا السنام اللي به الني طايل
|
من رعيها للقفر بين الحفيفين
|
بربعي مروية الغلب في الدبايل
|
لا صاح صياح وحنا مغرين
|
والكون صوب اللي من البوش ذايل
|
قمنا على قرنات الآذان عجلين
|
لازم يعود دقها والجلايل
|
وليا لحقناهم بالاشناق مرخين
|
بسيوف هند تودع الراس مايل
|
والخيل نجعلها سواة الحراذين
|
بدهم العروق اللي تشق الوثايل
|
عواصم بالهوش ماهم بعمسين
|
ضارين في هداتهم بالفصايل
|
قاسي بن عضيب العاصمي |
|
