لو تعب قلبي من ظروف الحياة
|
لو ظروف الوقت تقسيها السنين
|
لو رحل نور الأمل والامنيات
|
كيف بعده قادم ايامي تزين
|
لو بحور الحزن في عيني تبات
|
لو بقى حزنه معي في كل حين
|
ما قدرت انساك يازين الصفات
|
كيف ابنسى قلب بيدينك رهين
|
ليت لحظه من حيا معها ومات
|
ليت من يصبح لها رمشٍ وعين
|
من مهالك حبها مامن نجاة
|
لو بشيد دونها حصنٍ حصين
|
والله اني تايهٍ ويش السوات
|
من يعيد العقل للراي الرصين
|
قصةٍ تبقى تداولها الروات
|
ماخفى منها من اسرارٍ تبين
|
كل ما حاولت تبديد الشتات
|
واجمع افكاري من شمال ويمين
|
يرسم الهاجس هموم الذكريات
|
لين يعبث فيني الحزن الدفين
|
غيركم ما عاد ياسيد البنات
|
يبعث الافراح بعيون الحزين
|
بلسم ايامي وفك المعضلات
|
عالج المجروح بكفوف الحنين
|
أحمد حمدان |
|
