البارحة ما بين نفسي وبينك |
ما بين تقديرك وبين اعتباري |
لا شايفٍ شينك ولا ضد زينك |
قعدت احسبها وبان اختياري |
سلكت درب البعد من شان عينك |
حسبتها وأصدرت لاجلك قراري |
لو لوحت لي بالمواصل يدينك |
ابنفصل يوم الوصل ما يداري |
الشوق والإعجاب دامه يهينك |
منظر على ما قيل ما هو حضاري |
ليه اتمادى فيه واطلب حنينك |
حذف الهوى من داخل القلب جاري |
صافح يمين الهجر تسلم يمينك |
دام الهجر والبعد شي اضطراري |
مع السلامة جعل ربي يعينك |
حسبتها ثم صار هذا قراري |
فيصل بن سبيّل الباهلي |
|
