أسهل الأشياء فالدنيا الوقاحه |
واصعب الأشياء فالدنيا التوافق |
ما لقيت أخطر من السم وذحاحه |
غير كونك منت محتاج ومنافق |
الوطن روح الإمامه والسماحه |
والولا من دعم عرق ونبض خافق |
ما عشقنا الارض يوم الارض واحه |
كيف نعشقها عقب صارت مرافق |
التعارض رأي لا يعني الإطاحه |
والكرم إيثار لا يعني موافق |
ما اقترفت من الذنوب إلا الصراحه |
وما ابتلشت إلا بكيف ومن أرافق |
كل ما حطيت رجلي في مساحه |
ضايقوني بالكتوف وبالمرافق |
والعديم اللي تعثر به جناحه |
علموه أن السبب ضيق المخافق |
ياسر التويجري |
|
