دنيا الفنا لو زانت ايام وايام |
ما هي بدايم ثابته زين في زين |
شوف اختلاف اليوم مع مثله العام |
ويبين ويش الفرق ويشاف بالعين |
عقب الهنا كم واحدٍ حس بالآم |
واونس على كبده من المر مرين |
واقوى مصايبها هو الموت لاحام |
ثمٍ قبض له روح فالربع الادنين |
والموت ديانٍ على كل الأنسام |
والله ومر فوقه فجر ليل الاثنين |
في ساعةٍ والناس هجاع ونيام |
واختم ابو خالد يبي يقضي الدين |
واستد فالدينه ولفوه في خام |
وحطوه في قبره على منهج الدين |
وتناقلوا بالعلم فالشرق والشام |
واللي وصلهم علم جونا معزين |
في منظرٍ ينبيك عن قدره التام |
بين الجموع اللي لفونا سريعين |
يارب تغفر له وتدخله فانعام |
وتلهم ذويه الصبر يارب وتعين |
عينٍ تهل الدمع والقلب منضام |
والنفس جزعتها تجي فالقريبين |
ابكيك يا خالي وانا فيك ما نلام |
ولو البكا له فود لابكيك عامين |
لكن خير الناس قد مات مادام |
الدايم اللي كوّن الكون تكوين |
يا ناس لا تلهون والموت هدام |
من لا اعتبر بالموت واحظه الشين |
الموت قاضي حق صاحي ولا نام |
اقفوا عن الدنيا ولدوا على الدين |
نايف المقاطي |
|
