يالله يا قابل صلاة المصلين |
يا واحداً في كل وقتٍ نسأله |
تقبل دعانا يا مجيب الملبين |
وتحمي وطنا في حماية رجاله |
وتقضي على روس الفتن والشياطين |
خوارج الإسلام وأهل الضلاله |
وتحمى بلاد العز وأرض الحرمين |
وارض الرجال أهل الوفاء والبساله |
المملكة بقلوب كل الملايين |
شعبٍ وفي يفزع بحاله وماله |
والحكم شرع الله سيد القوانين |
نهج الشريعة ما نغيّر مجاله |
ودون الوطن نوقف بكل الميادين |
والشر والإرهاب نقطع وصاله |
وملوكنا منا وفينا عزيزين |
وهذا الوطن نفداه في كل حاله |
في ظل أبو متعب طليق الحجاجين |
صقر العروبة والوطن راس ماله |
ويعيش ابو خالد على الراس والعين |
والله يحقق له مناه ومناله |
والنايب الثاني سعوط المجانين |
الامن بوجوده يذرّي ظلاله |
شعب وقيادة في وطنا كريمين |
ونقول لا هل الشر هذي الرسالة |
اخسو خسيتو يالطغاة الحقيرين |
يابايعين أرواحهم بالعماله |
المعتدين الحاقدين الحسودين |
يا خادمين اعدا الوطن بالوكاله |
أوراقكم كشفت وصرتم مدانين |
ولا لكم غير الفنا يالحثاله |
متشبهين بلبس واقنع نساوين |
يا للاسف والعار وين الرجاله |
يا حيف والله يا حسافه على وين |
ما نلتوا إلا الموت موت الجهاله |
سبحانه منهو بين الحق تبيين |
والكيد رده في وجيه الظلاله |
مفلح بن عمير الشهراني |
|
|
