قصيدة رثاء في أخي المرحوم بداح بن سعود بن حويدر السهلي لما له من المواقف الطيبة والنبيلة.. |
يا روعة جتني وأنا قوم وأطيح |
من يوم قالوا مات كساب الأمداح |
جريت لي ونه من القلب وصيح |
ولا تنفع الونه مع النوح وصياح |
يا رب ثبتني بركعة وتسبيح |
الهم عن قلبي يولي وينزاح |
والموت حق ومن سنين مدابيح |
أخذ أبوي وبعده أخويه أبداح |
بداح من خيرة رجال مفاليح |
الي لهم تاريخ ووسام ووشاح |
أخوي تعليمه على هبة الريح |
لا خلو الواجب قليلين الأشباح |
راعي الفعول الطيبة ما هو شحيح |
ناره سناها للمسايير وضاح |
أخوي شوق معلقات المطاويح |
على الشرف مهوب تايه وسفاح |
حسن السجايا في جميع المشاويح |
ممشاه ممشاء الطيب من حيث ما راح |
من ضمن سمحين الرجال الزحازيح |
الي لهم بالجود مسراء ومصباح |
الله يبيحه والله أيغفر ويبيح |
وعساه فالجنة منعم ومرتاح |
وتمطر على قبره مزوناً مراويح |
رعادها يرعد وبراقها لاح |
وعساء موازينه على خير ترجيح |
بالآخرة من فضل خلاق الأرواح |
دنياك هاذي من شقاها سواميح |
غبراء تكدر بعض الأحيان الأفراح |
ما خلت أحد إلا له أتغرف وتميح |
لو ربحت ترجع على كسر الأرباح |
واضح عناها ما تبي زود توضيح |
تضحك لحد وأحدن تخده على الصاح |
وكم عرضت من شيخ حر الضحاضيح |
وأصبح تلو حبه عواصيف الأرياح |
ما تنومن وتجرح الناس تجريح |
ويلحق عناها الطير أبو ريش وجناح |
محمد بن فهيد بن حويدر السهلي |
|
