(في رثاء شقيقي عبدالعزيز محمد الرويشد) |
والله مالي فالشعر بها عواريف |
بس الشعر جاني وسبّة مجيه |
شيخ تعلى نايفات المشاريف |
فالطيب ماهو فالعلوم الرديه |
وإن كان لو جينا نعد المواقيف |
مواقفه فالحق دايم قويه |
عون الأرامل واليتامى لهم ريف |
ويمناه للمحتاج يمناً سخيه |
يا عين دمعك فوق خدي مذاريف |
والجرح ما له فالمعاني بريه |
ما عاد باقي أخويه تحاسيف |
مالي ومالك بالحياة الشقيه |
لو العمر يهدى ولا احتاج تحليف |
روحي لبوطارق تجيله هديه |
ياخوي تبكي من فراقك مواليف |
ويبكونك اشيوخٍ لهم مقدريه |
ويبكنك اللي يزعجن الغطاريف |
ويبكيك من حاله بدونك عصيه |
عساك عند الله معزز وله ضيف |
تسكن بعالي جنته مع نبيه |
|
