سرى الليل يا ساري وجرحي عرفت دواه |
على طلعة الجوزا نبي نسهر الليلة |
انا بامسح الجره الي جيت حول حماه |
عسى الناس ما تدري وتعرف مداهيله |
ترانا على الشكوى ومر الشقا ذقناه |
اقوله وانا الشاكي ولا في يدي حيلة |
عسى الليل لا حدر وكل عرف مسراه |
تناحت نجوم الليل والقلب يسري له |
اجي له على الداعي وودي على لاماه |
احبه محبة وارخص العمر واصخي له |
يحير النظر لا غاب قلت اه وين القاه |
تكسر بي العبرات الي ابطت مراسيله |
تمشكلت في حبه وشي مضى ما انساه |
غرابيل قلبي والشقا من غرابيله |
عسى الجو يصفا لي وحبي على مبداه |
تطيب الجروح ولذة العمر تكميلة |
سليمان بن حاذور |
|
