أشبهك في غرورك وانت باقي جنوني |
يا ابتسامي ودمعي يا هناي وشقاي |
يا بداية نهاية ما سكن في ظنوني |
يا نهاية بداية ما بقى من عناي |
يا أول اللي سكن فيني وزوّد طعوني |
يا آخر اللي نفاني بين داي ودواي |
تدري اني بدونك مثل حالك بدوني |
آه لو هي علي منّك ومنّك وجاي |
خل نورك ينور عتمتي في سكوني |
يا كثر ما تمنيتك لوحدي معاي |
يا عيوني ويا ساكن بنظرة عيوني |
يا نداي ومطر عمري ولمسة دفاي |
كل صعبٍ على شانك بكلمة يهوني |
بس آمر وانا أجي لك ومن غير راي |
ليه لا من سمعت اسمك تزايد شجوني |
ويش سويت فيني يا هناي وغلاي؟! |
متغليه |
|
