بسم الله أبدأ وأسخر القاف تسخير |
واكتب حروف غاليات تثمينه |
واصور الموقف على خير تصوير |
والقلب مما فيه زايد حنينه |
البارح جتنا علوم وتباشير |
وعم الفرح بأطراف كل المدينه |
قالوا ترى الجمعة في ديار أغادير |
الحجز لأمير الوفاء مأكدينه |
والدار غنت قبل لايقدم الخير |
وابن الوطن بقدومكم سر عينه |
مرت سنه وقلوبنا معك يا امير |
ندعي برجوعك كل وقت وحينه |
يا مرحبا عداد ما غرد الطير |
واعداد دورات الزمان وسنينه |
يا الغالي اللي جيته عندنا غير |
مثل الفرح عند القلوب الحزينه |
ولي عهد وله سياسة وتفكير |
صارم وجازم والكرم في يمينه |
والشعب غنابه من صغير وكبير |
خلال كل الرحلة مشاركينه |
واليوم صفقنا محبة وتقدير |
من يوم شفنا ضحكة الطمأنينه |
على محيا سيدي صدق تعبير |
نحمدك يااللي قلوبنا لك رهينه |
وعاش الأمير اللي يفك المعاسير |
سلطان عضده فالمواقف يعينه |
آل سعود تسطر المجد تسطير |
طبع لهم والعز متوارثينه |
يحفظهم الله من سهوم المقادير |
بحكمهم دار السعودي امينه |
والمعذره ان كان فالهرج تقصير |
تعبير صادق والمشاعر دفينه |
|
