أشرقت نجد العذية على شوف الزعيم |
كنها عذراً تزيّن تبي معشوقها |
مهتويتن طلته ما تبي غيره حشيم |
مع فعوله سالب فالملا معلوقها |
غطرفت له واتتشت من صبا الغربي نسيم |
وجاوبه شرق البلد معجب في ذوقها |
وردد الها من شمال البلد صوت فهيم |
قال غني وارفعي باللحون اطروقها |
ثم جاوبها جنوب البلد من فوق غيم |
شال صوته والخناجر لميع ابروقها |
الوطن وأهل الوطن والمسيِّر والمقيم |
رحبوبك يا زعيم تعرف احقوقها |
حبكم يا سيدي راسخٍ وسط الصميم |
في القلوب اللي ولاها ثبت بعروقها |
والله اللي حط سلطان مقدام وكريم |
الخلايق تبتهل من صدوق عموقها |
بالدعاء له والمحبة يديم له النعيم |
في عيون الشعب سلطان ساكن موقها |
يا زعيمٍ رافع الراس في وجه الغريم |
والفعول اللي كبيرة يجي من فوقها |
راجحٍ في الراي والفعل والنهج السليم |
والبلاد اللي يجيها ايربح سوقها |
مطلق بن فيحان الصوينع الدعجاني |
|
