يالله يا معبود يا عالي الشان
|
يا محصي الأرواح يوم القيامه
|
تحفظ لنا آل سعود حكام الأوطان
|
أهل السياسة والكرم والشهامه
|
وأطلبك تشفي سيد الجود سلطان
|
والحمد لك يومٍ رجع بالسلامه
|
بو خالد اللي صار للجود عنوان
|
مدت يمينه مثل وبل الغمامه
|
ذروة سنام المجد في كل الازمان
|
راعي السياسة والشرف والزعامه
|
زبن الدخيل ومسعفٍ كل مرضان
|
نور الوجيه اللي غشتها العتامه
|
يمد كفه لليتامى بالإحسان
|
ويقابل أنواع البشر بإبتسامه
|
بشاشته تطفي غضب كل زعلان
|
والخير في مبداه والسعد أمامه
|
يا سيدي في غيبتك كل إنسان
|
يدعي ودمعه دوم يسبق كلامه
|
إنه يردك للوطن وأنت بأمان
|
وينجيك من جور الزمان والامه
|
واليوم كل الشعب فرحٍ وطربان
|
ومن الطرب ترقص قصور اليمامه
|
وش لون ما نفرح وفي الدار سلطان
|
بو خالد اللي عاد له بالسلامه
|
وصلاة ربي عد ما هل هتان
|
على الرسول أحلى القصيد وختامه
|
غرمان محمد عزيز العمري |
|
