بسم الكريم أستهل القول وأبدابه

أخير مبدا بذكر الله نبديبه

أعوذ باسمه من الشيطان والجابه

سبحان من لاسواه محيط في غيبه

ومن بعد هذا يليق الشعر بادابه

بقدوم سلطان أرح به وأهلي به

يا مرحباً بالأمير وحضرة أصحابه

أهلاً هلا مرحباً مليون ترحيبه

أعداد من حج بيت الله وصلى به

وعداد من سار لزيارة حرم طيبة

واعداد ما يحسب التاريخ حسّابه

الشعب رحب وأبومتعب يحيى به

باشراق يومٍ شهدناه وسعدنا به

أخير صبحٍ علينا الشمس تبدي به

نورتوا الدار واهل الدار وترابه

نورٍ على الدار تصبح به وتمسي به

الحمد للي شفا سلطان وأطابه

ورده علينا بعد ما طول الغيبة

الخير سلطان واسم الخير يزهابه

اسمٍ على مثل أبوخالد نسمي به

كم واحدٍ في نهار الضيق نادى به

من ضده الوقت وظروفه ينادي به

وان شان وجه الزمان وكشّر أنيابه

من غير سلطان بعد الله نلجي به

راعي يمينٍ لفعل الخير وهّابه

المال يرخص ويفنى في مواجيبه

معطي جزيل العطايا والله أدرى به

عطاه لله ما قصده يضاهي به

سلطان فالمال زهده ما يحلابه

كان الصخا عيب سلطان الصخا عيبه

بوجه الرعيه فتح صدره مثل بابه

الله على ما فعل يجزاه ويثيبه

محاسن الخلق والحلم يتحلى به

وفيه التواضع وقو الباس يمشى به

في حال لين جناب وحال يدعابه

ياقوّ باسه ويا حلمه ويا طيبه

سلطان سلطان يبدابه ويعدابه

مواقفه بيّنة والكل يدرى به

اللي يقدى الرجال وينتقدى به

هذاه سلطان لا شكّ ولاريبة

وزير جيشٍ لنصر الحق طلابه

النصر والا الشهادة من مطاليبه

ينهج بمنهج نبي الله وكتابه

ما جالهم عن طريق الحق تجنيبه

السيف والشرع يومر به وينهى به

ومن خالف الشرع سيف الحق يسطى به

ما رفرفت راية التوحيد نصابة

إلا لتطويع عاص الله وتاديبه

يقوله اللي بدع قافه وغنى به

شاعر عتيبي ويفخر في معازيبه

سلطان فيحان العرط – نفي

صفحة الجزيرة الرئيسية

الصفحة الرئيسية

رأي الجزيرة