كلٍ فرح في رجعتك بالسلامه |
واستبشر الشعب السعودي بسلطان |
الشعب كله ما اهتنى في منامنه |
كلٍ تحرى رجعتك ياكحيلان |
وكلٍ دعى لك بالشفاء ياحزامه |
يرجون ربٍ خالقٍ كل الاكوان |
ما يلحق اللي ضاق صدره ملامة |
ومن لامني في حب سلطان غلطان |
يا سيدي قدرك على كل هامه |
تاجٍ على راسي واشيله من ازمان |
صيتك وصل بالطيب ذروة سنامه |
انشهد انك صرت للطيب عنوان |
كل الصفات الطيبه لك علامه |
فيك التواضع والمهابه والاحسان |
كسبت حب الشعب لك واحترامه |
ماهوب شعبك بس في كل الاوطان |
والختم ابرجي اللي تعالى مقامه |
ربٍ كريمٍ عالم السر منان |
يشفيك ياعز الوطن واهتمامه |
ربٍ يعم برحمته كل مرضان |
نقيب - محمد بن عبدالهادي السيف |
مديرية الدفاع المدني بمنطقة الرياض |
|
