المملكة شعبها من صادق احساسه |
وقف يرحب بأمير المجد سلطاني |
فرحة وطن عاد له نوره ونبراسه |
جو الفرح في قدومه عم الأركان |
عود لداره معافى وانجلى باسه |
والحمد للي بفضله ساق الأمزاني |
يالله عسى العافية والصحة لباسه |
من كل مكروه يسلم وين ماكاني |
الله يحييك يا بالجود ياساسه |
ويبقيك ذخرٍ لنا ياذرب الايماني |
يسلم وطنا وابو متعب على راسه |
ويسلم ولي العهد والنايب الثاني |
حنا جنود الوطن درعه وحراسه |
حبه جرى بالوريد ودم شرياني |
واللي يحاول بغدره ضيع الطاسه |
قل له تراب الوطن ما هوب مجاني |
نموت دونه ولا احد بالقدم داسه |
نفداه بأرواحنا والموت للجاني |
عواد سالم بن دعيجاء الشراري |
|
|
