يا ديار العز يا حلو البشاير لا لفنا |
بشرونا بالخبر يا حلو منصوص البشاره |
عاد أبو خالد ولي العهد وافرح يا وطنا |
سيدي سلطان هذا موعده في وسط داره |
إيه خلو قلوبنا تفرح بشوفه ونتهنا |
إيه حي العلم وبرك ساعته واطيب نهاره |
جيته طيب وسالم تجلي الاحزان عنا |
كل قريه وكل مدينه وكل بيت وكل حاره |
عطّرت جو الليالي وخضّبت بالكف حنا |
وانشدت لك يا ولد عبدالعزيز احلا عباره |
جيتك عيد وفرح ومشاهدك هيل وبنا |
وصورتك بين الشوارع هي قناديل الاناره |
وطيتك فالارض تجعلها بساتين وجنا |
وأنت من وجهك يمره يدفن الفقر ومراره |
وانت من جالك فحاجه راح بالي قد تمنا |
وانت من قبل يمينك وانحنى زاد فوقاره |
والله إن القاف يعجز والمعاني يتعبنا |
مايوفن الجزا للي محله فالصداره |
وانت يا سلمان ما ننساك يزبن المجنا |
كل نارٍ تنطفي لا من شعم سلمان ناره |
المراجل قدم بابك كل ابوهن يركعنا |
وانت من مدت يمينه مادرت عنها يساره |
وقفتك ماهي غريبه والفعايل يشهدنا |
وانت مثل الجدي نجم ما تغيب عن مساره |
كل حي يعشقك يا سيدي منا ومنا |
شف دليلة حب نجد إنها تضمك فالاماره |
فيحان معجل المطيري |
|
