تبسم يا وطن وافرح تطمن والزمان بخير |
تباشر بالسعد والعز لديار السعوديه |
صباحك والمساء والنور لاهبت عليك عصير |
ونجمك والقمر والشمس والمشراق والفيّه |
وشعبك والرياض اللي حضن نجد وعطاه الخير |
وجنوب وغرب وبه شرق ودياراً شماليه |
معك فرحت ولا فرحت عبث يا موطن التقدير |
معك غنت طرب والصوت والألحان نجديه |
من قدوم الوفاء سلطان غنَّا للبشاير طير |
ورفرف بالقلوب اللي لها مده رجاويه |
حضرت وفي يمينك راعي الوقفات والتبشير |
عضيدك صافي الخطوه سلمان أبيض النيه |
سقى الله ليلة الجمعة سحابٍ بالحقاق يسير |
لو إن وجهك سحاب وخير وبروقٍ حياويه |
وصلت ولا لفيت إلا على صوتٍ يسر الغير |
على صوت المليك اللي مطاليعه نداويه |
هلا بك مرحبا وارحب بفرحٍ يعجز التعبير |
ولا أصدق من دموع الفرح في طلتك يا حيّه |
تباشرك الإمام بوقفةٍ تعجز عن التعبير |
وجليت همومٍ مساجينٍ مكاديرٍ خلاويه |
ألاَّ يالله يا ربي لك التحميد والتكبير |
على عودة عضيد الحكم لديار السعوديه |
|
