الله الوالي وحناله عبيد |
والوطن حقه كبير يا ولد |
دام ابكتب في بلادي من جديد |
اسمعو مني بيوتٍ لي جدد |
وانقلو عني ترانيم النشيد |
علها تبقى تغنى للأبد |
انظم أبياتي كما عقدٍ فريد |
في بيوت الشعر اببذلي جهد |
عاش أبو متعب وشعبه به سعيد |
رافعٍ راسه وللوالي سجد |
راعي الحكمة وله رايٍ سديد |
يا الله انك تحفظه وارحم فهد |
وعاد أبو خالد لنا عودٍ حميد |
يوم يرجع للبلد يوم السعد |
ذخرا ابو متعب وسيفٍ من حديد |
جعل يبقى للوطن درع وسند |
ونايف اللي للعداء باسه شديد |
لا وقف من هيبته كنه أسد |
ويا وطن ماني بحبي لك وحيد |
لو احسب كان اببدع لي عدد |
ثابتٍ مثل الجبل شامخ عتيد |
ما عليك من السواقط والخرد |
ولا يهمك كل شيطانٍ مريد |
يشعل الفتنة وعله للرمد |
من يحاول يخترق امنك يبيد |
والوعد سيفٍ يورده اللحد |
ومن يحاول في ثرنا ما يسيد |
لا وقفنا له عن حدودك شرد |
ومن يلوم اللي يردد بالقصيد |
ما ذكرت اشوي في اغلا بلد |
هاني بن محمد السلوم |
|
