مرثية في والدة سمو الأمير فيصل بن سعود بن محمد آل سعود الأميرة شيمة بنت محمد الضاري الطوالة رحمها الله. |
اجبر الله عزا فيصل واعاضه بخير |
ابن شيخ المراجل فيصل ابن سعود |
واحسن الله عزا شمر خوال الامير |
الطوالة إلى عدو هل الزود زود |
في وفاة الأميرة بنت حد الشطير |
شيخ الاسلم ولد ضارى عريب الجدود |
رحمة الله عليها فالنهار العسير |
رحمةٍ واسعة بامر الرحيم الودود |
يا عساها بجناتٍ تسر النظير |
طيب اقامة ومشرب في جنان الخلود |
وانته الله يحفظك للمراجل سفير |
ويحفظ شايب جوده غلب كل جود |
أبو خالد سعود سعود الاسم الكبير |
الضلال الذرا المحزم مغيث الكبود |
الامير الكبير المستحيل البصير |
الكريم العظيم أبو اليتيم الزهود |
كم وكم شال متنه ما يشيل البعير |
من تحزم بمثل سعود يرقا سنود |
للمواقف رجال ووقفة سعود غير |
يا عسى الله يحفظه دايم فالوجود |
وانت على خطى شيخ المراجل تسير |
ليث من ليث مدرسته عرين الأسود |
فيك بعد النظر حنكه وحكمة خبير |
كاسب الطيب والامجاد من راس عود |
لافي الصيده الحلفي |
|
