عشت يا سيدي سلطان زبن الدخيل
|
يا زبون الدخيل اليا زبنك ونصاك
|
أنت قد اللزوم وتفعل المستحيل
|
وأنت من دورك وقت الشدايد لقاك
|
وأنت راع المروة وأنت راع الجميل
|
وأنت راع المواقف مع هذاك وهذاك
|
فالمراجل وفالنوماس باعك طويل
|
اهتويت الفخر واشتاق لك واهتواك
|
مال طيبك مثيل ولال فعلك مثيل
|
كل قرم يماريبك ويثني علاك
|
شلت من سطوتك حمل الزمان الثقيل
|
والتهاون عن العليا حذفته وراك
|
كم وكم واحد ما معه حيله وحيل
|
قمت وأشفيت غله يوم جاك ونخاك
|
لو يميل الزمن لا يمكن أنك تميل
|
ولو يلف ويدور ويعتدل ما حداك
|
ولو يقل الكثير ولو يزيد القليل
|
أنت حراً مخاليبك تضوي عشاك
|
ما تراخت عزومك يالحصان الأصيل
|
ولا تراجعت عن شفك وغاية هواك
|
احتكرت المراجل بالذراع الطويل
|
وبالشجاعة وبالحنكة وقوة ذكاك
|
جعل يفداك يا سلطان خطو البخيل
|
ويا عسا كل نقال الوشايا فداك
|
وجعل يفدونك اللي ما وراهم حصيل
|
اللي افعولهم ما غار عطني وهاك
|
وآخر القول حمداً للعزيز الجليل
|
نحمد اللي من الوعكة عفاك وشفاك
|
مالك بندر هندي السميري العتيبي |
|
