مرثية في عمي الشيخ/ بدر بن مصلح العتيبي رحمه الله
|
وادمعي اللي فوق خدي تبارا
|
والحزن ما يخفيه دمع نثرته
|
ولو فاض دمعي وانهمر بانهمارا
|
ما رجع اللي في زماني خسرته
|
ولو قالت دموعي لخدي مجارا
|
يا عم والله ما لغيرك ذخرته
|
خله يسيل وينهمل بانحدارا
|
يطفى لواهيب بصدري سعرته
|
دمع يصحي الدالهين السكارا
|
لا خش جوه فاق لامن نظرته
|
ما سال في حب البني العذارا
|
والا بناخيك الليالي عسرته
|
عليك يا عمي طويل الشبارا
|
يا أعز شخص في حياتي قبرته
|
عليك لحت يمين خمسي يسارا
|
وجاوبت نوح الورق بأعلى شجرته
|
وعليك انا نادمت كل السهارا
|
ومنولٍ مافيه ليلٍ سهرته
|
راعي كتاب ودين حشمه وقارا
|
والمسجد اللي في صلاتك عمرته
|
والركعتين اللي بوقت السحارا
|
ودمع اليتيم اللي بعطفك غمرته
|
وغض البصر في ليل والا نهارا
|
وزين الكلام وذكر ربٍ ذكرته
|
والصدق والعفة وحق الجوارا
|
وصبر على عسر الشدايد صبرته
|
عزيمته بين الفلك والمدارا
|
صامد ولو ان الليالي قهرته
|
ولا صرت في وجه الرفاقه زرارا
|
وان جيت في مجلس ترا انته ثمرته
|
بزين السوالف بين ربعك تمارا
|
بالصدق والا الكذب ماني خبرته
|
وجعل السحاب اللي مزونه ندارا
|
هبت لها الغربي وماها نثرته
|
يسقيك يا قبر بوسطه توارا
|
يرخي هماليه وتسكر قترته
|
وعساه بالجنة رياض وخضارا
|
يا رب ياللي كل ذنبٍ غفرته
|
ويعوضنا الله فيه صغار وكبارا
|
بعياله اللي طيبهم قد خبرته
|
عقب رجال كلبوهم حرارا
|
هذا كلامي والصحيح اختصرته
|
متعب بن محمد العتيبي |
|
