ورقة قديمة
عبدالله بن ربيعة
|
حمام ياللي على مرقاب |
ذا النوح ياشين وش بابه؟ |
يالورق ليتك تسد الباب |
ليتك ترى ويش حنّابه! |
ذاك الطرب يا قميري غاب |
صرف النيا دار دولابه |
تدر يا ورق راسي شاب |
كله من الغي واسبابه |
يا زيد راعي الهوى لوتاب |
مشطون قلبه مع احبابه |
يا زيد شوقي نزيه ثياب |
أموت يا زيد واحيا به |
من غرقة النوم افز انواب |
يا ليت من لا تمعنى به |
عالجت جرح الهوى ما طاب |
وادواي يا زيد بعذابه |
لو قلت من ذا الذي لك جاب |
قال المقادير غلابة |
كوني ضحى من ورا ذا الباب |
ريمٍ رماني بنشابه |
ما لون يا راعي النبناب |
ما خفت مولاك وحسابه |
يا زين يوم الكرى لك طاب |
طيب الكرى ما تهنى به |
صدت وقالت لها قلاب |
اثر الجزا ذاك ما ثابه |
قولي لمن رامها تعاب |
الله يضفي لنا حجابه |
قالت من الله عليك حجاب |
والصلح لا بد نسعى به |
|
|
|
|
|
