كم واحدٍ لا نشدني قلت له: طيب
|
وأنا وأنا أخوك لا طيب ولا حاجه
|
وكم قلت للي طلبني حاجةٍ طيب
|
وأنا أكثر شوي من راع الطلب حاجه
|
إن غاب ما في يدي ما نيب متغيب
|
أجي ورا هقوة أهل الجاه وأواجه
|
يولد معي صاحبي ويشب ويشيب
|
وأنا على العهد والأيام منعاجه
|
والهرج بالرجل مهما كان ما يعيب
|
الناس بالناس هراجه.. وهراجه!!
|
العيب لا شاف الأقرب شي بقريب
|
ثم ثار دمه عليه ونفّخ أوداجه
|
وإلا للأجناب لين باس وحبيب
|
واللي يداريه ما يسلم من إزعاجه!
|
وأنا بلا فخر لا عيب ولا خيب
|
أدرج الرجل والأيام دراجه
|
أجهز الطيب لأهل الطيب وأطيب
|
وأجهز الشر لأهل الشر وأواجه
|
وان كبرت المشكلة ما نيب متهيب
|
الشمس: نور ونهار ونار وهاجه
|
نادر العماني |
|
