قصيدة رثاء للشاعر المعروف غازي بن دخيل الله بن عون العتيبي في فقيد قبيلة سبيع المرحوم بإذن الله تعالى نايف بن مهدي بن وندان السبيعي:
|
للقلب بنكٍ ما يقدر رصيده
|
بسوق العقار وبالذهب والملايين
|
رفقة طليقين اليماني تزيده
|
وينقص رصيد البنك موت العزيزين
|
الصفوه اللي معرفتهم مفيده
|
في جانب الدنيا وفي جانب الدين
|
ويا ما فقد من خزنته من فقيده
|
شدو رحايلهم وحنا مقيمين
|
والعبد لوعمر سنينٍ عديده
|
وملك عروش الهند والسند والصين
|
له ساعةٍ فيها المنايا تصيده
|
مكتوبةٍ فاللوح من بين قوسين
|
إيمانا إبها من شروط العقيده
|
قولٍ يقين مثبتٍ بالبراهين
|
ما وخذ من راوي ولا من جريده
|
وخذ من القرآن ومن الصحيحين
|
أوحى به الباري على أفضل عبيده
|
اللي بعث بالمعجزه للثقلين
|
واللي دفعني لين قلت القصيده
|
فرقى عزيزٍ تحزن القلب والعين
|
الماجد اللي له فعول ٍمجيده
|
نايف حليف الجود سقم المعادين
|
ورث من اسلافه صروح ٍمشيده
|
ما عمروها بالخراسان والطين
|
شيدت على سيسان جودٍ جويده
|
وجدرانها افعال الزحول الميامين
|
وحفيدهم شيد صروح جديده
|
قولٍ عليه شهود ما هوب تخمين
|
غير المكارم والمزايا الفريده
|
جمايله فاللي يجون متعنين
|
من جاه لو إنه من اقصى البديده
|
اهتم به كنه من الربع الأدنين
|
واكمل شروط المطلب اللي يريده
|
وسهل أموره عند الأدنى والأقصين
|
لعل روحه يوم قبضت شهيده
|
ويحبر بصف الأولياء والنبيين
|
وعقب له رجال ٍسيرهم حميده
|
على مماشي شايع الصيت ماشين
|
وختامها صلوا على أفضل عبيده
|
عد النبات وعد وبل الودادين
|
غازي بن دخيل الله بن عون |
|
