يا قلب لا تشكي همومك على الناس |
إلا على المعبود رب البريه |
رب كريم يبعد الحزن والباس |
حلال صعبات الأمور العصيه |
عليه يا قلبي توكل ولا باس |
ما خاب من يرجيه صبح وعشيه |
يجلي همومك خالق كل الأجناس |
ويسعدك لو شفت الشقا والأذيه |
وإن شفت حظك طاح والوضع منحاس |
ربك يفرجها عليم الخفيه |
ولا يضيق بالك بالمتاعب والاتعاس |
ولو شفت غيرك في حياة هنيه |
تراه مثلك شارب المر بالكاس |
ويصبر على مر الحياة الشقيه |
تمت وصلى الله على سيد الناس |
نبينا محمد شفيع البريه |
نواف بن محمد الصخابرة |
|
