طعنتك فعلاً قوية وأنا متصدي |
ولو أكابر قلت لك يا حبيبي: عادي |
لا تحدى لو تحدى ما انا متحدي |
ما نويت أي تحدي لغير أضدادي |
لو ذخرت الطيب ماني معك متردي |
ذي طبيعة خافقي كان فكرك غادي |
وش حصل لك ليه أشوفك تشك بودي |
يا هنا عمري وكل الفرح واعيادي |
كل شخصٍ له طموحه وحلمٍ وردي |
وانت حلمي يا غناتي وكل مرادي |
ودي إنك تقتنع بي وتفهم قصدي |
وإن صمتي يوم تخطي علي متفادي |
ويوم تسأل عن غلاتك وتجهل ردي! |
أعشقك واعشق زعلك وعتبك الهادي |
وابتعادي عنك مدة وأنا ما ودي |
أختبر حبي معك من خلال إبعادي |
ثامر بن شجاع السهلي |
|
