آسف قالها قلب خلف المشعان قبل لسانه بكل رقة الشاعر المبدع الراقي:
|
انا اللي يابعد عمري بقول (آسف) ولو مخطيت!
|
لأن اكبر خطا منّك صغير بجنب غلطاتي
|
ابد ماني بقايلك: ترفّق! ليه؟ وشسويت!
|
قل اللي ودك بقلبك تقوله واترك سكاتي
|
عسى الله لايعافيني اذا من هرجك انغثيت
|
سكت من الخجل والله بلااء خابر سواتي
|
ومدامه (صح) كل اللي تقوله، فانت مازليت
|
واذا زليت هالمرة! نسيت؟ شكثر زلاتي
|
نسيت انك تنسّيني الزعل كله الامن جيت
|
مجرد ضحكة عيونك بنظرة تجمع شتاتي
|
نسيت؟ شكثر تغليني؟ وكم لك؟ وانت مامليت
|
نسيت ان الوفا منّك يذكّرني خياناتي؟
|
نسيت؟ الله يومنّك علي من الزعل غنيت
|
« حسبت اشواقنا غابت « وخابت فيك هقواتي
|
عجزت انطق ولاكلمة بلحظتها سوى ياليت
|
يجيلك يوم باذن الله وتقراها مع ابياتي
|
هذاني جبتها شفني وازيد من (الغلا) لك بيت
|
مادام ان القصايد فيك لسه في بداياتي
|
احبك؟ ايه احبك.. ايه احبك.. آآه لوعديت
|
من الآحاد للآلاف تملا كل خاناتي
|
حبيبي لاتحاسبني وانا ياما عليك اخطيت
|
ترى لو مت بيديني غفرلي صدق غاياتي
|
خلف المشعان |
|
