عالية عبدالله شاعرة وإعلامية مميزة.. لها بصمتها الخاصة وهذا النص الحالم:
|
الليل بارد والغلا فيه مجنون |
وأنا على حطة يدين انتظاري |
صمت المكان ورعشة يدين وجفون |
حتى ربيعي من شذى العطر عاري |
الشوق جامح.. يصهل بقلب مفتون |
يا كيف أروّض معه نبض احتضاري |
تعال خذ مني غلا قلب وعيون |
تعال خفّف غربتي وانكساري |
وخذني من الآخر لك الكل مرهـون |
طوّل علي الليل خلّك نهاري |
ابحترق وابحضنك حلم مضمون |
زاد اليباس وملّت الثلج داري |
ومليت اقلّب سالفة ليه؟ وشلون؟ |
يمناي تعبت وأتعبتها يساري |
لو طال برد الليل واستوحش الكون |
والله ما غيرك على البال طاري |
قربك.. دفا صدرك أنا أقول يحييون |
كل العروق الميّتة بانتظاري |
عالية عبدالله |
|
