نايف سديد الراي حازم وحلحيل
|
موقعين اعداه قبل الأصاحيب
|
درع الوطن عن كل عايل وعن ميل
|
ابو سعود مكمّلٍ للمواجيب
|
أبيات من قصيدة رائعة للشيخ عبدالرحمن بن ماجد الذويبي في مقام سمو الأمير نايف بن عبدالعزيز حفظه الله ورعاه:
|
ياالله يا منشي حقوق المخاييل
|
يا منتهى الشكوى لكل المطاليب
|
يا مذهب جيلٍ ويا خالقٍ جيل
|
علمك أحاط ببيّن الامر والغيب
|
تبقي لنا اللي ينقل الحمل بالحيل
|
لاشان نطق معكرين المشاريب
|
ينطح صعيبات الأمور المقابيل
|
لا يلحقه شكٍ ولا يدخله ريب
|
عقل يفوق عقول كل الرياجيل
|
ماله منافس بالسياسه وبالطيب
|
بسياسته دايم على خصمه الميل
|
وبالصمت والحكمه يهدي الاصاعيب
|
نايف سديد الراي حازم وحلحيل
|
موقعين اعداه قبل الاصاحيب
|
درع الوطن عن كل عايل وعن ميل
|
ابو سعود مكمّلٍ للمواجيب
|
حلحيل ما تدخل عليه المداخيل
|
مفراص ماص يفك كل اللواليب
|
نايف وهو نايف صعيب المناويل
|
هو مصدر الحكمه وخال من العيب
|
نايف حكيم يقابل الكيل بالكيل
|
وليا تكلّم هز كل المناديب
|
سياسته ما هيب هذر ودهاويل
|
تدخل عقول اللي لهم فكرٍ مصيب
|
وغيثٍ الى صدّق وصب الهماليل
|
يشبك زهر عشب السهل والنبانيب
|
عساه يبطي حي جيل بعد جيل
|
ويسلم لنا نايف عطيب المضاريب
|
حكّامنا وأهل السيوف المصاقيل
|
ونفخر الى قلنا لنا هم معازيب
|
وصلاة ربّي عد رمل الغراميل
|
على نبّي كذّب الكفر تكذيب
|
عبد الرحمن بن ماجد الذويبي |
|
