يا والله اللّي غاب قمرٍ فقيدة

عساه في جنّات عدنٍ مع الحور

مطحس ولد بادي لك الله وليدة

بالمرجلة والدّين والراي مذكور

مافيه شكٍ في طموحه وجيده

بين الدواسر والمشاكيل مشهور

يملك صفاتٍ بالمراجل عديدة

سمح المحيّا بالتّبهلال منعور

وارياه في كل المواقف سديدة

وانْ شاف عوجاً فأبيض الوجه مسطور

ما والله افلح في التّعدي ضديده

ليّن ولكن جور.. ما يقبل الجور

خسارته عمّت علينا شديدة

ما والله منّا واحد اليوم مسرور

مرحوم يا ذربٍ إفعوله مجيدة

خيّم علينا الحزن والدّمع منثور

فالموت حق ومن دنا له يصيده

أيّام محسومة لها يوم واتثور

في ذّمتي إنّه غاب عنّا وليده

موته علينا هز وجدان وشعور

مافي يدي يكون شعري بشيده

هذا الذي في فقدنا الشّيخ مقدور

جسمه دفن لا شك ذكره يعيده

مادام (عالي) حي واخوانه حضور

الكل منهم بارز اليوم فايده

هُم العوض في مجلسٍ شع بالنُّور

إمشرّعٍ من جاء يبي الطيب سيده

ليل ونهارٍ بالشّكالات معمور

فالله بذربين اليماني يزيده

بصقور همّة ما يبي فيه من شور

تمت بما الله يالنّشاما يريده

فالعذر لاشفتوا من الشّاعر قصور

عبدالله بن حمير آل سابر الدوسري

وادي الدواسر - اللدام

صفحة الجزيرة الرئيسية

الصفحة الرئيسية

رأي الجزيرة