إن قلت أببعد عنه ما أقدر أخليه
|
وإن قلت أبيه اليوم ما أقدر أطوله
|
وإن غاب عني رحت أدوّر أراضيه
|
أروح والخطوات منّي عجوله
|
أفرح لشوفه وإن بعد عني أبكيه
|
أثبت معنى الحب على أصوله
|
أغليه من هو غيره القلب يغليه
|
قلبي مسلسل حاز فيه البطوله
|
يمرني طاريه وافرح لطاريه
|
واشتاق له وأفزّ لحظة وصوله
|
يمرّ قدامي ثواني وأراعيه
|
وآخذ معه في عالم الحب جوله
|
معقول ياخذ حب محدٍ يوازيه
|
وأشوف كلماته فحبي خجوله
|
في كل شريانٍ بجسمي ألاقيه
|
كنّه بنى في داخل القلب دوله
|
آخذ من ورود الغلا ورد وأهديه
|
وغلاي ما همّه ولاهوب حوله
|
إما تناديني عيونه وأناديه
|
وألا بلا حبٍ تركني زعوله
|
سارة البلوي |
|
