هذه القصيدة رثاء بالشيخ رجاء بن علي الجهني رحمه الله
|
سميت بالرحمن منشي المخايل |
الواحد اللي خالق الكون كله |
يغفر اذنوب العبد لو كان عايل |
وليا نفخ بالروح ترجع رضله |
يخالق المخلوق عدلاً ومايل |
يعلم دبيب النمل داخل محله |
البارحه دمعي على الخد سايل |
كنك تحط بداخل العين مله |
في وسط قلبي حاميات الملايل |
كن الشناذر وسط عني تمله |
من جاء خبر رجاء عريب السلايل |
عز الرفيق اللي ظروفه مقله |
مرحوم يا شيخ كثير الجمايل |
ما حسب الدنيا كثيره وقله |
لو ينفذي نفداه بشة الوسايل |
مكتوب من ربه عسى خير تله |
عساه بالجنة وبرد النثايل |
في جنة الفردوس يسكن رضله |
الله يفكه يوم هول وهوايل |
نطلب له الغفران والله يحله |
طالبك ياالمعبود رب الفضايل |
تغفر أذنوب الشيخ دقه وجله |
يقوم تال الليل يصلي النفايل |
ما هو ينام الليل خوفان من الله |
يشهد له القرآن ليل وقوايل |
في روضة المسجد شهد له محله |
رجاء يحبونه جميع القبايل |
لو مات ذكره عندنا باقيله |
به الكرم والطيب واف الخصايل |
والمشكله لو هي صعيبه يحله |
عقب أعيالاً كالحرار الأصايل |
يضربهم الأمثال بالطيب كله |
أعياله الجهنان والخال وايل |
العود عقبله أعيال محله |
علي وخوانه يفعلون الجمايل |
تربات شيخا والمراجل يدله |
يذبح من الخرفان كبشاَ وحايل |
كلا شهد له بالكرم من وصله |
رجا مثل حاتم سكن يم حايل |
كريم سبلا بالسنين المقله |
رجا عليه من المهادي دلايل |
متوضعاً للناس محداً يمله |
يرثاه من قلبه بوسطه ملايل |
لعل حسناته تملي سجله |
صلاة ربي عد ما سال سايل |
على رسولا قدوت الخلق كله |
الشاعر/ فضي لافي فراج الغضوري العنزي |
|
