الله يذكر ذيك الأيام بالخير |
يوم أن قلبك ما هوى غير شافي |
تشتاق لي وتخاف وتحن وتغير |
وقلبك على ما قيل بالحب صافي |
مني ومنك ما بعد صار تقصير |
وافي وأنا بالمثل يا زين وافي |
واليوم لا بالله حصل فيك تغيير |
بدلت وصلك بالهجر والتجافي |
أول وحبك في حشا خافقي غير |
واليوم فوق الحب تسفي السوافي |
ياما عطيتك حب صافي وتقدير |
وحطيت كل البيض لجلك خلافي |
وياما على شانك نظمت التعابير |
ولا شوف غيرك يستحق القوافي |
وياما حفظت السر والسر فا البير |
وخليت حبك عن هل الغي خافي |
وياما على شانك قطعت المشاوير |
ما قلت يا رجلي عن الدرب كافي |
أجيك وأدور للقياك تبرير |
ودرا غرامك عن حكي كل هافي |
والحين كانك رحت رح روحة الطير |
أقولها واكتب على اعترافي |
ما يتبع المقفين كود المعيثير |
إن جيت ولا رحت عندي عوافي |
الشاعر/ شافي بن عبدالهادي بن راجس |
