وصية من أم لفلذات كبدها ولبنات المجتمع كافة: |
قلت اسمحي لي يالليالي العنيفه
|
مرت علي أيام ماهي خفيفه
|
ايام سودا في عيوني حفيفه
|
ياما شربت الهم وطعوني اطعون
|
الناس ما تدري عن اللي جرالي
|
الله هو المعبود عالم بحالي
|
يا رب يا خلاق يا ذا الجلال
|
يا من عبادك من عذابك يخافون
|
يالله يوم العرض تغفر ذنوبي
|
كل شي عندك للعباد محسوبي
|
ليا انتهى عمري وقرب غروبي
|
رحمتك يا من عبادك لك يصلون
|
احفظ بناتي يا ولي الخلايق
|
بحفظك احفظهن من جميع العوايق
|
اربع اورود مثل ورد الشقايق
|
يالله تحميهن من اللي يحسدون
|
يا مصدر أفراحي وبهجت حياتي
|
يا بلسم اجروحي وكل امنياتي
|
عندي وصاة كان حانت وفاتي
|
وصاة منهي شافت الغدر واحزون
|
ترفعن عن كل درب فيه الرديات
|
اللي لهن مع كل سيره حكايات
|
ولا تسلكن ادروب فيها بشبهات
|
يفرح بها الأنذال واللي يقولون
|
لازم ابوكن راسه يظل مرفوع
|
لو حدكن ضيم الليالي مع الجوع
|
يا اربع شمعات ما لنا غيرهن اشموع
|
ياللي غلاكن بالحشى دون مدفون
|
نورة التميمي |
|
